जापानमा संक्रमितको कुल संख्या दुई लाख कट्यो

टोकियो – जापानमा कोरोना भाइरसबाट संक्रमित हुनेको संख्या बढ्न थालेको छ ।

जापानमा अहिले संक्रमितको कुल संख्या दुई लाख नाघेको छ ।  सोमबार साँझ ८ बजेसम्ममा देशभर १८०४ जना नयाँ संक्रमित थपिएका छन् । त्यस्तै आज संक्रमणको कारण मृत्यु हुनेको संख्या ४८ रहेको छ ।

यो वृद्धिसँगै जापानमा अहिलेसम्म डाइमण्ड प्रिन्सेस क्रुज पानीजहाजका यात्रुहरुबाहेक संक्रमितको संख्या दुई लाख एक हजार ४८ र निधन हुने संक्रमितको संख्या दुई हजार ९६५ जना पुगेको छ ।

जापानमा संक्रमण सुरुभए देखि अक्टोबर २९ सम्ममा एक लाख संक्रमित संख्या रहेको थियो । पछिल्लो समयमा कोरोना भाइरसको समस्या बढ्दै जादा दुई महिना भन्दा कम समयमा अर्को एक लाख संक्रमित थपिएका हुन् ।