काठमाडौं – नेपालमा पछिल्लो २४ घण्टायता थप १२ जना कोरोना संक्रमितको मृत्यु भएको छ । यससँगै हालसम्म मुलुकमा कोरोना संक्रमणका कारण मृत्यु हुनेको संख्या १७७७ पुगेको हो ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा ४ हजार ७८० नमूनाको पीसीआर परीक्षण गरिएकोमा ७१० जनामा कोरोना संक्रमण पुष्टि भएको छ । यससँगै हालसम्म मुलुकमा कोरोना संक्रमित हुनेको संख्या २ लाख ५३ हजार १८४ पुगेको छ ।
यस्तै, अहिलेसम्म १८ लाख ६६ हजार २१० नमूनाको पीसीआर परीक्षण गरिएको मन्त्रालयले जनाएको छ । स्वास्थ्य तथा जनसंख्या मन्त्रालयका अनुसार हाल मुलुकमा कोरोनाका सक्रिय संक्रमितको संख्या भने ८ हजार ८८४० रहेको छ।
यस्तै, सोही अवधिमा ११७५ जना संक्रमित निको भएका छन् । जम्मा संक्रमितमध्ये हालसम्म कोरोना संक्रमण निको हुनेको संख्या २ लाख ४२ हजार ५६७ पुगेको मन्त्रालयले जनाएको छ । हाल क्वारेन्टिनमा ४२१ जना रहेका छन् ।
