४ महिनाको वैदेशिक व्यापार : आयात १० प्रतिशतले घट्यो, निर्यात १० प्रतिशतले बढ्यो

त्यसैगरी यो अवधिमा ४० अर्ब २० करोड रूपैयाँको वस्तु नेपालबाट बाहिर निर्यात भएको छ। गत आर्थिक वर्षको यही अवधिमा कूल ३६ अर्ब २७ करोड रूपैयाँ बराबरको वस्तु निर्यात भएको थियो।

वस्तु आयात १० प्रतिशतले घटे पनि राजस्व संकलन भने गत वर्षको यही अवधिको तुलनामा ०.५८ प्रतिशत मात्रै कम छ। गत वर्ष पहिलो ४ महिनामा १ खर्ब २२ अर्ब ९७ करोड रूपैयाँ राजस्व भन्सार संकलन भएकोमा यो वर्ष १ खर्ब २२ अर्ब २५ करोड रूपैयाँ भन्सार राजस्व संकलन भएको छ।

कात्तिकमा राजस्व २४ प्रतिशत बढ्यो

भन्सार विभागका अनुसार चौमासिक तुलना गर्दा गत वर्षको भन्दा यस वर्ष केही राजस्व कम उठे पनि कात्तिक महिनाको मात्रै तथ्यांक हेर्दा भने राजस्व ह्वात्तै बढेको छ। यस वर्षको कात्तिकमा दैनिक १ अर्ब रूपैयाँभन्दा धेरै राजस्व भन्सारबाट संकलन भएको छ।

त्यसैगरी यो वर्ष १ खर्ब १० अर्ब रूपैयाँको वस्तु कात्तिकमा आयात भएको छ। जुन गत वर्षको भन्दा ४.४५ प्रतिशतले मात्रै थोरै हो। कात्तिकमा ९ अर्ब १५ करोड रूपैयाँको वस्तु निर्यात भएको छ। जुन गत वर्षको यही अवधिको तुलनामा २.३ प्रतिशतले धेरै हो ।