एकैदिन २७३६ मा कोरोना देखियो, २२ जनाले ज्यान गुमाए

काठमाडौं – पछिल्लो २४ घण्टामा कोरोनाबाट थप २२ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार यससँगै नेपालमा कोरोनाबाट मृत्यु हुनेको संख्या हालसम्म ११४८ पुगेको छ ।

त्यस्तै मुलुकमा पछिल्लो २४ घण्टामा थप २७३६ जनामा कोरोना संक्रमण पुष्टि भएको छ । यससँगै नेपालमा हालसम्म कोरोनाबाट संक्रमित हुनेको संख्या १९९७६० पुगेको छ ।

मन्त्रालयका अनुसार आज देशभर ३८०३५ जना सक्रिय संक्रमित आइसोलेसनमा रहेका छन् । साथै १०५८ जना  क्वारेन्टिनमा रहेका छन् । त्यस्तै आज कोरोना संक्रमण निको हुने संक्रमितको संख्या ८५३ जना रहेको छ । यससँगै हालसम्म कोरोना संक्रमण भएर निको हुनेको संख्या १६०५७७ पुगेको छ ।