भारतमा जुनसम्म कोरोनाको भ्याक्सिन आउछ : बायोटेक

काठमाडौँ – भारतीय कम्पनि बायोटेकले बनिरहेको कोरोनाविरुद्धको भ्याक्सिन आगामी जुन सम्म उपलब्ध हुने भएको छ ।

इण्डियन काउन्सिल अफ मेडिकल रिसर्च (आईसीएमआर) को नेशनल इन्स्टिच्युट अफ भायरोलोजीसँग मिलेर कोरोनाको भ्याक्सिन बनिरहेको बायोटेक इण्डियाले सरकारले इमर्जेन्सी घोषणा गरेर छिटो लन्च गर्न नभनेमा जुन सम्म भारतमा कोरोना भ्याक्सिन उपलब्ध हुने बताएको छ ।

बायोटेकले बनाएको कोरोनाको भ्याक्सिन को तेस्रो चरणको ट्रायल छिट्टै शुरु हुने बताइएको छ । बायोटेकले भारतका १२ देखि १४ राज्यका २० हजार स्वयं सेवकलाई छानेर ट्रायल गर्ने तयारी गरेको छ ।

भारतमा बनिरहेका कोरोनाका भ्याक्सिन मध्ये सीरम इन्स्टिच्युट अफ इण्डियाको भ्याक्सिन कोविशिल्डको तेस्रो चरणको ट्रायल पनि छिटै हुने बताइएको छ । अहिले यस भ्याक्सिनको ट्रायलका लागि स्वयं सेवकको छनौट भइरहेको छ ।