‘निको भएको ३ महिनापछि कोरोना दोहोरिन सक्छ’

काठमाडौं – एक पटक निको भएपछि पनि लापरबाही गरेमा फेरि कोरोना संक्रमण हुन सक्ने भारतस्थित इण्डियन काउन्सिल अफ मेडिकल रिसर्च (आईसिएमआर) ले चेतावनी दिएको छ । समाचार एजेन्सी पीटीआईका अनुसार मंगलबार आईसीएमआरका निर्देशक डा. बलराम भागवले त्यस्तो चेतावनी दिएका हुन् ।

उनले भनेका छन्, ‘अहिलेसम्म हामीलाई प्राप्त विवरणअनुसार संक्रमण निको भएको ३ देखि ५ महिनासम्म शरीरमा कोरोनाविरुद्ध लड्ने एन्टिबडी हुन्छ । तर यसपछि बिस्तारै त्यसको संख्या घट्दै जान्छ र फेरि संक्रमण हुन सक्छ ।’ उनका अनुसार यदि निको भएको ९० दिभित्र फेरि मानिस फेरि संक्रमित भयो भने त्यसलाई पुनः संक्रमण भनिन्छ । एजेन्सी