टोकियो – नेपाल भलिबल क्लब ईताबासी जापानले आयोजना गरेको भलिबल प्रतियोगिताको उपाधि गल्कोट स्पोर्ट्स क्लव टोकियो जापानले हात पारेको छ ।
जापानका बिभिन्न स्थानबाट १७ टोलिको सहभागिता रहेको प्रतियोगिताको फाईनलमा गल्कोट स्पोर्ट्स क्लव टोकियो जापान र गल्कोट समाज जापान दुबै गल्कोटे टोलि पुगेका थिए । ए पोलका नौ टीम र बि पोलका ८ टीमको प्रतिस्पर्धाबाट फाईनलको यात्रा तय गरेका दुबै टीम बाग्लुङ जिल्लाको गल्कोट क्षेत्रबाट जापानमा आई बसोबास गर्ने युवाहरु आवद्ध टीम हुन् ।
गल्कोट स्पोर्ट्स क्लव टोकियो जापानमा भलिबलको प्रवद्र्धनमा निरन्तर लागेको संस्था समेत हो । प्रत्येक वर्ष भलिबल प्रतियोगिता गर्दै आएको क्लवले यस वर्ष कोरोनाका कारण प्रतियोगिता स्थगित गरेको थियो । यस क्लवबाट नेपालमा राष्ट्रिय खेल खेलेका खेलाडी समेत खेल्नुले पनि क्लबलाई बिशेष रुपमा हेरिन्छ भने क्लवमा आवद्ध खेलाडीलाई समेत यस्ता प्रतियोगितामा विशेष चासोका साथ हेर्ने गरिन्छ ।
हितु थापा,राम मल्ल, गणेश केसी, मनोज केसी, केशव केसी, रेशम बस्नेत, ललित भण्डारी, सुनिल बस्नेत, महेन्द्र साहानी सहभागि टोली छनौट खेलाडी संयोजक अम्मर भण्डारी र देबेन्द्र खत्रीले गरेका थिए । प्रतियोगिताको उपाधी जित्न सफल क्लवले बीस मान नगद सहित कप मेडल र प्रमाण पत्र प्राप्त गरेको छ भने, क्लबका रमेश बस्नेत बेष्ट प्लेयर बिधा बाट सम्मानित भएका थिए । उप बिजेता बनेको गल्कोट समाज जापानले १२ मान नगदसहित कप मेडल र प्रमाण पत्र प्राप्त गरेको छ । गल्कोटकै डम्मर बस्नेत बेष्ट ब्लकर उपादी प्राप्त गर्न सफल भएका थिए ।
नेपाल भलिबल संघ जापान शाखाले गत बर्ष आयोजना गरेको भलिबल प्रतियोगितामा पनि गल्कोट स्पोर्ट्स क्लव टोकियोले प्रथम स्थान हासिल गर्न सफल भएको थियो । प्रतियोगितामा मु्ख्य रेफ्रीको भुमिकामा गल्कोट स्पोर्ट्स क्लवका संरक्षक तथा नेपाल भलिबल संघ जापान शाखाका अध्यक्ष रत्नसिंह बस्नेत थिए । खेल तोसिमा कु मा सम्पन्न भएको थियो ।
