कोरोना संक्रमित धेरै हुने देशमा भारत दोस्रो नम्बरमा

काठमाडौं – भारत सर्वाधिक संक्रमण फैलिएका देशको सूचीमा दोस्रो स्थानमा पुगेको छ । विश्वमा कोरोनाभाइरसबाट सङ्क्रमित हुनेको सङख्या अमेरिकापछि अब भारतमा धेरै भएको तथ्याङ्कले देखाएको हो ।

यसअघि सङ्क्रमित हुनेको सङ्ख्या भारतमा भन्दा ब्राजिलमा बढी थियो । पछिल्लो २४ घण्टामा ५१ हजार ७२३ जनामा जनामा कोरोना देखिएसँगै भारतमा सङ्क्रमित हुनेको सङ्ख्या ४२ लाख पुगेको छ भने त्यहाँ सङ्क्रमणकै कारण मृत्यु हुनेको सङ्ख्या ७१ हजार नाघेको छ ।

देशको जनसङ्ख्याको हिसाबले कोभिडका कारण मानिसको मृत्यु हुने सङ्ख्या तुलनात्मक रूपमा भारतमा कम मानिन्छ । तर तीव्र गतिमा भाइरसको सङ्क्रमण ग्रामीण भेगसम्म फैलिँदै गएपछि चिन्ता बढेको छ । संक्रमितको संख्या धेरैको भएको देशको सूचीमा अमेरिका पहिलो स्थानमा छ भने अब भारत दोस्रो स्थानमा पुगेको छ र तेस्रोमा ब्राजिल छ ।