लन्डन – भर्ती तथा रोजगार परिसंघ (आरईसी) द्वारा शुक्रवार जारी गरिएको एक रिपोर्ट अनुसार जुलाईको शुरुमा बन्दाबन्दी (लकडाउन) लाई खुकुलो पारिएसँगै बेलायतमा रोजगारीमुलक विज्ञापनको संख्यामा वृद्धि आएको छ ।
रिक्रुटमेन्ट एण्ड इक्प्लोइमेन्ट कन्फिडरेसन (आरईसी) को तथ्यांक अनुसार जुलाई ५ देखि जुलाई १२ सम्म हप्तामा सक्रिय रोजगारी विज्ञापनको कुल संख्या १० लाख ५ हजार पुगेको छ । यो जुनकोे अन्तिम हप्ता (जुन २२ देखि २८सम्म) को तुलनामा ९ लाख ९० हजारले बढी हो ।
उल्लेखनीय कुरा के हो भने त्यहाँ सूचना प्रविधि क्षेत्रमा काम गर्ने व्यवसायिक कर्मचारीको विज्ञापनमा महत्वपूर्ण वृद्धि रहेको छ । जुनको अन्तिम हप्ताको तुलनामा जुलाईको ६–१२ सम्ममा वेब डिजाइनर र डेभलपरहरूको पदस्थापन १५ दशमलव ५ प्रतिशतले बढेको उल्लेख छ ।
यसमा प्रोग्रामर र सफ्टवेयर विकासकर्ताहरूको रोजगारीमा जोडिने दरमा ६ दशमलव ६ प्रतिशतले वृद्धि भएको छ । सूचना प्रबिधितर्फ डिजाइनर र डेभलपरहरूको पदस्थापन दरमा आएको उछालले लकडाउनको क्रममा ‘डिजिटल व्यवसाय’ तर्फको रोजगारीमा सामान्य वृद्धि भएको प्रतिबिम्बित हुने आरईसीले बताएको छ ।
यसका साथै सर्वेक्षणमा ग्राफिक डिजाइनर्स लगायतका अन्य रोजगारीमा ११ दशमलव ३ प्रतिशत, विक्री व्यवस्थापकमा ९ दशमलव ९ प्रतिशत सिकर्मी तथा शिपबिहीन क्षेत्रमा ८ दशमलव ५ प्रतिशतले वृद्धि भएको सर्भेक्षणले देखाएको छ ।
आरईसी प्रमुख कार्यकारी नील कारबेरीले भने, ‘लकडाउनलाई खुकुलो बनाएसँगै व्यवसायिक क्षेत्रमा आर्थिक सुधारको आत्मविश्वास बिस्तारै बढ्दै गइरहेको छ ।’ कारबेरीले भने, ‘सुधारका संकेत देखिएको भएपनि हामी समस्याबाट बाहिर आइसकेका छैनौं । अर्थव्यवस्था केही समयको लागि सामान्य स्तरमा फर्कने छैन ।’ राष्ट्रिय तथ्यांक कार्यालय (ओएनएस) द्वारा बिहीबार जारी तथ्यांक अनुसार देशको कम्पनी भूक्तानीलाई हेर्दा कामदार संख्या मार्च र जुनबीचमा ६ लाख ४९ हजारले कमी देखिएको छ ।
‘आगामी २/ ३ महीना अस्थायी विदा योजना र सरकार समर्थिन व्यापक कार्यक्रमको वास्तविक असर बुझ्न गाह्रो हुने छ’, ब्रिटिश श्रम बजार विश्लेषक कम्पनी एम्सीका श्रमशक्तिविद् तथा निर्देशक म्याथ्यू मीले भने । सरकारको योजना अन्तर्गत, कर्मचारीहरुलाई राख्न र व्यवसायहरुलाई सहयोग पु¥याउन दिइएको अस्थायी विदा योजना यस वर्ष अक्टोबरको अन्त्यमा समाप्त हुनेछ । सिन्ह्वा
