पोखरा – गण्डकी प्रदेशमा सोमबार थप १७ जनामा कोरोना पुष्टि भएको छ । गण्डकी प्रदेशको स्वास्थ्य निर्देशनालयले सोमबार अपराहन्न दिएको अपडेट अनुसार प्रदेशका ३ जिल्लाका थप १७ जनामा कोरोना पोजेटिभ देखिएको हो ।
नयाँ संक्रमितहरुमा लमजुङका ११ जना, कास्कीका एक जना र बाग्लुङका ५ जना रहेका छन् । नयाँ संक्रमित सबैलाई सम्बन्धित जिल्लाको आइसोलेसनमा लैजाने तयारी भएको स्वास्थ्य निर्देशनालयले जानकारी दिएको छ ।
गण्डकी प्रदेशमा अहिलेसम्म कोरोनको संक्रमणबाट मृत्यु हुनेको संख्या ३ पुगेको छ । त्यस्तै योसँगै गण्डकी प्रदेशमा कुल संक्रमितको संख्या एक हजार ११३ पुगेको छ ।
