दिल्लीमा कोरोना संक्रमितका लागि ‘विश्वकै ठूलो’ अस्पताल स्थापना

काठमाडौँ – भारतमा कोरोना भाइरसबाट संक्रमितको हेरचाह गर्न १० हजार शय्याको अस्पताल अर्थात् स्याहार गृह स्थापना गरिएको छ।

उक्त स्याहार गृहमा सामान्य लक्षण भएका तथा कोभिड-१९ पोजेटिभ भए पनि कुनै लक्षण नदेखिएकाहरूको उपचार गरिने बताइएको छ ।

२० वटा फुटबल मैदानजत्रो आकारको उक्त स्याहार गृहलाई स्थानीय सञ्चारमाध्यमहरूले विश्वकै सबैभन्दा ठूलो कोरोनाभाइरस केन्द्रका रूपमा व्याख्या गरिरहेका छन् ।

दिल्ली कोरोना महामारीबाट भारतको सबैभन्दा पीडित क्षेत्रमध्ये एक हो। भारतमा कोरोनाका कारण अहिलेसम्म १९ हजार भन्दा बढी व्यक्तिको मृत्यु भइसकेको छ।