काठमाडौँ – विश्वभर फैलिएको कोरोना भाइरस महामारीबाट युरोपेली मुलुकहरु र संयुक्तराज्य अमेरिका सबैभन्दा बढी आक्रान्त बनेका छन् ।
पछिल्लो २४ घण्टामा विश्वभर ६ हजार ६०७ जनाको मृत्यु भएको छ ।
हिजो विश्वभर ७९ हजार ९५९ जना संक्रमित थपिएका छन् । यो सँगै कूल संक्रमितको संख्या २६ लाख ३७ हजार ६७३ पुगेको छ ।
विश्वका २१० मुलुक र २ पानीजहाजमा फैलिएको कोरोना भाइरसको संक्रमणले मृत्यु हुनेको संख्या १ लाख ८४ हजार २१७ पुगेको छ ।
आज बिहानसम्मको तथ्यांकअनुसार जापानमा कोरोना भाइरसको संक्रमितहरुको संख्या (डाइमण्ड प्रिन्सेस क्रुजका ७१२ जना र चिनबाट चार्टर्ड गरी ल्याइएका १४ जना संक्रमित यात्रुहरुसहित) १२ हजार ७०६ जना पुगेको छ ।
पछिल्लो तथ्यांक अनुसार भाइरसले (डाइमण्ड प्रिन्सेस क्रुजको १३ यात्रुसहित) ३०७ जनाको ज्यान लिएको छ ।
हालसम्म जापानमा कोरोना संक्रमित नेपालीको संख्या ३ जना पुगेको छ । टोकियोमा २ जनामा कोरोना भाइरसको संक्रमण भेटिएको छ भने ईबाराकी केनमा १ जनामा संक्रमण पुष्टि भएको छ ।
नेपालमा कोरोना भाइरस संक्रमितको संख्या ४५ पुगेको छ। संक्रमितमध्ये ७ जना उपचारपछि निको भई घर फर्किसकेका छन्।
उपचारत सबैको अवस्था सामान्य रहेको स्वास्थ्य मन्त्रालयले जनाएको छ ।
