नक्कली पासपोर्ट बोकेपछि चर्चित फुटबलर रोनाल्डिन्हो पक्राउ

काठमाडौँ – चर्चित फुटबल स्टार रोनाल्डिन्हो पक्राउ परेका छन् । ३९ वर्षीय ब्राजिलियन लिजेन्ड रोनाल्डिन्होलाई नक्कली राहदानीका कारण पक्राउ गरिएको हो । । उनीमाथि नक्कली कागजातबाट नक्कली पासपोर्ट बनाएको आरोप छ ।

रोनाल्डिन्हो आफ्ना दाजु रोबर्टोसँग पाराग्वे गएका थिए । बुधबार राति पाराग्वेका प्रहरीले उनलाई पक्राउ गरेको हो । पाराग्वेको आन्तरिक मामिला मन्त्रालयले रोनाल्डिन्होलाई पक्राउ गरेको जनाएको छ । स्थानिय मिडियाका अनुसार रोनाल्डिन्होको पासपोर्ट होटलमा फेला परेको थियो ।

जसमा, पाराग्वेको राष्ट्रियता उल्लेख गरिएको थियो । रोनान्डिन्होले फुटबल करिअरमा पीएसजी, बार्सिलोना, मिलान लगायतका चर्चित क्लबबाट व्यावसायिक फुटबल खेलिसकेका छन् भने उनले ब्राजिलबाट ९७ खेलमा ३३ गोल गरेका छन् ।