हिमालयन शेर्पा क्लबमाथि ब्रिगेड ब्वाइजको संघर्षपूर्ण जित

काठमाडौं – शहीद स्मारक ‘ए’ डिभिजन लिग अन्तर्गत आजको दोस्रो खेलमा ब्रिगेड ब्वाइज क्लबले हिमालयन शेर्पा क्लवमाथि संघर्षपूर्ण जित निकालेको छ ।

आज सातदोबाटोस्थित एन्फा कम्लेक्सको मैदानमा भएको खेलमा ब्रिगेट ब्वाइज क्लबले १-० को संघर्षपूर्ण जित निकालेको हो । ब्रिगेडको जितमा विजय गुरुङले निर्णायक गोल गरे । गुरुङले खेलको १७ औं मिनेटमा गोल गर्दै ब्रिगेडको जित सुनिश्चित गरे ।

जितसँगै ४ खेल खेलेको ब्रिगेडले दोस्रो जित निकाल्दै ६ अंकका साथ तालिकाको छैटौं स्थानमा कायम रहेको छ । यता हिमालयन शेर्पा भने ४ खेलमध्ये २ मा हार र २ मा बराबरीको नतिजा निकाल्दै २ अंकका साथ ११ औं स्थानमा छ ।