मनाङ मर्स्याङ्दीको विजय यात्रामा फ्रेन्ड्सले लगायो ब्रेक !

काठमाडाैं – शहिद स्मारक ए डिभिजन लिग अन्तर्गत मनाङ मर्स्याङ्दी क्लब बराबरीमा रोकिएको छ । सोमबार सम्पन्न खेलमा मनाङ फ्रेन्ड्स क्लबसँग १-१ गोलको बराबरीमा रोकिएको हो ।

मनाङका लागि रन्जन विष्टले खेलको १२औ मिनेटमा गोल गरेका थिए भने फ्रेन्ड्सका लागि उत्तम राईले खेलको ६२औ मिनेटमा बराबरी गोल गरेका थिए । उत्कृष्ट खेल खेलेका फ्रेन्ड्स क्लबका रुमेश बर्तौला खेलको प्लेयर अफ द म्याच बनेका थिए ।

यो बराबरी पछि चार खेलमा ३ जित र एक बराबरीसहित मनाङ १० अंकसहित शिर्ष स्थानमा कायम रहेको छ । यस अघि लगातार जित हासिल गरेको मनाङको विजयीक्रमलाई फ्रेन्ड्स क्लबले रोकेको छ ।

त्यस्तै फ्रेन्ड्स क्लबको भने ४ खेलमा ३ हार र एक बराबरीसहित एक अंक भएको छ । यस अघिका लगातार तीन खेलमा हार बेहोरेको फ्रेन्ड्सले मनाङविरुद्ध बराबरी खेल्दै हारको सिलसिलालाई रोकेको छ ।