काठमाडौँ – जापानको भिडियो गेम कम्पनी ‘लेवल–५’ ले ओटोम युशाको साथ मिलेर एक नक्कली बोइफ्रेन्ड बनाएको छ । महिलाहरु यसलाई अंगालो हालेर आफ्नो तनाव कम गर्न सक्छन् ।
यसलाई आफ्नो साथमा जहाँपनि लैजान सक्छन् । उनिहरु उक्त बोइफ्रेन्डलाई रेष्टुरेन्ट, थियटर तथा सपिङ सेन्टर जहाँपनि लान सक्नेछन् ।
यस उत्पादनको नाम ‘बोइफ्रेन्ड हग स्पीकर’ रहेको छ । दुई ठूला हात भएका यसको साथमा सेतो रङ्गको एक सिरानी लगाइएको छ ।
जसमा कम्पनीको नयाँ गेम हीरो अफ मेडन्सको मुख्य भूमिकाको आकृति बनेको छ । तपाइलाई सहज महसुस गराउनको लागि यसको पाखुरामा ब्लुटुथ स्पीकर पनि जडान गरिएको छ, जसलाई अंगालो हाल्दा गीत बज्ने गर्दछ ।
