प्रतिबन्धित भारतीय १६ लाखसहित ठमेलबाट पाँच जना पक्राउ

काठमाडौं – प्रतिबन्धित भारतीय १६ लाख रुपैयाँ सहित ५ जना पक्राउ परेका छन् । ५ सय र १ हजार दरका १६ लाख बराबरका नोट सहित महानगरीय प्रहरी परिसर, काठमाडौंले विशेष सूचनाका आधारमा ठमेलको होटल ब्लू मोहनबाट उनीहरुलाई पक्राउ गरेको हो ।

व्लु मुन होटलबाट पक्राउ पर्नेमा शम्भु परियार, सन्तोष थापा मगर, राजेन्द्र घिसिङ, धनध्वज तामाङ र रामविक्रम खड्का पक्राउ परेका छन् । उनीहरुलाई विशेष सूचनाको आधारमा गए राति पक्राउ गरिएको महानगरीय प्रहरी परिसर काठमाडौंका डिएसपी होबिन्द्र बोगटीले बताए ।

पक्राउ पाँचै जनालाई राजश्व अनुसन्धान विभागमा पठाइएको छ । भारतमा प्रतिवन्ध लगाइएका ५ सय र १ हजारका नोट उनीहरुले के कारणले ल्याए भन्नेबारे खुल्न बाँकी रहेको प्रहरीले बतायो ।