जापानबाट रिलिज भयो ’सँधै तिम्रो सम्झनाले’ (भिडियोसहित)

टोकियो – जापानलाई कर्मथलो बनाउँदै आएका गायक भुवनसिंह थापाले ’सँधै तिम्रो सम्झनाले’ नयाँ गीत लिएर बजारमा आएका छन् ।

रानु बरमको लय तथा शब्द रहेको सो गीतको म्युजिक भिडियो थापाले हालै युट्युवमार्फत बजारमा ल्याएका हुन् । जापानमै छायाङ्कन गरिएको उक्त म्युजिक भिडियोमा स्वयम गायक थापा र कामस्यो घलेले मोडलिङ् गरेका छन् ।

रुपलाल मगरको निर्देशनमा तयार गरिएको सो भिडियोको सरोज लामाले कम्पोज तथा एरेञ्ज गरेका हुन् भने छवि राना मगरको सम्पादन रहेको छ ।

गीतमा मायाप्रीतिको कथालाई बिषयवस्तु बनाईएको छ भने प्रेमिकाको सम्झनाले प्रेमीको दैनिक जीवनमा पार्ने प्रभाव बारे चित्रण गर्न खोजिएको छ ।***