काठमाडौँ – नेपाली सिनेमा रुचाउने युवापुस्ताका दर्शकहरुका लागि प्रतिक्षित बनेको चर्चित फिल्म ए मेरो हजुर ३ को पहिलो रोमाण्टिक गीत रिलिज भएको छ । अनमोल केसी र झरना पुत्री सुहानाको डेब्यु रहेको फिल्ममा समाबेश जिन्दगी नै भन्दिनँ बोलको गीत रिलिज भएको हो । गीतमा अनमोल र सुहानाको जोडी गज्जबको देखिएको छ । गीतमा सुगम पोखरेल र प्रविशा अधिकारीको आवाज रहेको छ भने एक नारायण भण्डारीको शब्द र आशिष अविरलको संगित रहेको छ । भिडियोको दृश्य निकै मन रोमाञ्चित बनाउने किसिमको रहेको छ ।
नेपालसँगै अमेरिकाका विभिन्न रमणीय स्थानहरुमा खिचिएको गीतको भिडियो पनि उत्कृष्ट बनेको छ । जहाँ सुहाना बोल्ड अवतारमा देखिएकीछिन् । अनमोलको फिल्म आफैमा पनि चर्चामा आउने गर्छ । त्यसमाथि पनि सुहानाको इन्ट्रीले ए मेरो हजुर ३ को चर्चा च्लिएको हो । सुनिल कुमार थापाले निर्माण गरेको यस फिल्मलाई झरना थापाले निर्देशन गरेकीछिन् ।
यसअघि उनले ए मेरो हजुर २ बाट डेब्यु निर्देशन थालेकी थिईन् । फिल्ममा निर्देशक थापा र सुमन पौडेलको कथा सञ्जय लामाको छायांकन , हिमाल केसीको द्वन्द्व , कविराज गहतराज, रामजी लामिछाने, प्रविन सिंह र राहुल शाहको कोरियोग्राफी रहेको छ । फिल्ममा अनमोल र सुहानासँगै सलोन बस्नते, अर्पण थापा, रबिन्द्र झालगायतका कलाकारहरुको पनि अभिनय रहेको छ । ए मेरो हजुर ३ चैत्र २९ बाट अल नेपाल रिलिज हुँदैछ ।
