काठमाडौं – फागुन ३ गतेबाट प्रदर्शनमा आउन लागेको चलचित्र ‘बुलबुल’को दोस्रो गीत सार्वजनिक भएको छ ।
शनिवार राजधानीमा भइरहेको क्यान मेलामा कार्यक्रम गर्दै सयौँ दर्शकबिच गीत सार्वजनिक गरिएको थियो । ‘ज्याद्रै बस्यो दिल’ बोलको सार्वजनिक गीतमा नायिका स्वस्तिमा खड्का, कलाकार मुकुन भुषाल र दिपक क्षेत्री फिचरिङ छन् ।
गीतमा मनिकला पौडेलको शब्द, उद्गम परियार र उदयराज पौडेलको संगीत रहेको छ भने रजिना रिमालको स्वर रहेको छ । विनोद पौडेलको निर्देशन रहेको चलचित्र बुलबुलमा स्वस्तिमा टेम्पो ड्राइभरको भूमिकामा देखिएकी छिन् ।
चलचित्रको कथा र पटकथा निर्देशक स्वयंमले लेखेका हुन् । अविरल थापा, भिम थापा, राजु पौडेल, पुरुषोत्तम पाण्डेको लगानी रहेको चलचित्रका कार्यकारी निर्माता रामराजा दाहाल हुन् ।
