काठमाडौं – चर्चित उपन्यास ‘समर लभ’मा आधारित रहेको चलचित्र ‘समर लभ’ को टिजर सार्वजनिक भएको छ ।
सुविन भट्टराईको लेखन रहेको समर लभमा बनेको चलचित्रले टिजरसँगै प्रदर्शन मिति पनि सार्वजनिक गरेको छ । टिजरमा चलचित्रका मुख्य पात्र अतित र सायाको प्रेम, बिछोड, रोमान्सलाई प्रस्तुत गरिएको छ ।
चलचित्रमा अतितको भूमिका आशिष पियाले निभाएका छन् भने सायाको पात्र रेवती क्षेत्रीले निर्भाह गरेकी छिन् । नाइटिंगेल इन्टरटेनमेन्टको ब्यानरमा खगेन्द्र श्रेष्ठ र इन्दु भण्डारीले मिलेर निर्माण गरेको चलचित्रको कार्यकारी निर्माता बिनोद अधिकारी हुन् ।
भने सिनेमामा सपन सरकार र मनोज बिक सह निर्माताको रुपमा रहेका छन् । ‘समर लभ’ मा आशिष र रेवतीको अलावा सुरज सिंह ठकुरी, नम्रता सापकोटा, शिशिर भण्डारी, सरोज खनाल, ओम प्रतिक लगायतका कलाकारको मुख्य भूमिका रहेको छ । यो चलचित्रलाई मुस्कान ढकालले निर्देशन गरेका हुन् ।
चलचित्रमा सामिप्यराज तिमिल्सेना र सुविन भट्टराईको पटकथा तथा संवाद, पुष्पन प्रधानको संगीत, कोरियोग्राफी कविराज गहतराज, छायाँकन मानकृष्ण महर्जन, संजय लामाको डिओपी, अर्जुन जिसीको सम्पादन रहेको छ । ***
