काठमाडौं – अन्तर्राष्ट्रिय नेपाली साहित्य समाज (अनेसास)को अध्यक्षमा राधेश्याम लेकाली निर्वाचित हुनुभएको छ । प्रतिस्पर्धी गोबर्धन पूजालाई पछि पार्दै लेकाली अध्यक्ष पदमा विजयी हुनुभएको हो । अनेसासको १३ औं कार्यसमितिका लागि भएको निर्वाचनमा लेकालीले ५७० मत पाउनु भयो भने पूजाले ३५९ मत मात्र पाउनुभयो ।
त्यसैगरी महासचिवमा गणेश घिमिरे, वरिष्ठ उपाध्यक्षमा प्रकाश पौडेल निर्वाचित हुनुभएको छ । उपाध्यक्षमा शान्तिराम ढकाल (अमेरिका) र निशा अर्याल एशिया विजयी हुनुभयो । भीमसेन सापकोटा र सुनील संगम क्रमश ओसेनिया र युरोपका उपाध्यक्ष बन्नु भएको छ ।
यस्तै अनेसासको सचिवमा लालगोपाल सुवेदी निर्वाचित हुनुभयो भने कोषाध्यक्षमा विकास विष्ट विजयी हुनुभएको छ । अध्यक्षमा निर्वाचित लेकालीले २०१८-२०२० को कार्यसमितिमा विजयी गराउने सबैलाई धन्यवाद दिनुभयो । साथै उहाँले अब चुनावी प्रतिस्पर्धा सकिएकाले सबै मिलेर अघि बढ्नुपर्नेमा जोड् दिनुभयो । 
