गृहमन्त्री निधिले दिए सरकार छोड्ने धम्की

काठमाडौं – उपप्रधान तथा गृहमन्त्री विमलेन्द्र निधिले मन्त्रिपरिषदको वरियताक्रमलाई लिएर प्रधानमन्त्री पुष्पकमल दाहाल प्रचण्ड र नेपाली कांग्रेसका सभापति शेरवहादुर देउवासमक्ष गम्भीर असन्तुष्टि व्यक्त गरेका छन्।

प्रचण्डले उपप्रधानमन्त्री कमल थापालाई पहिलो नम्बरमा राखेपछि निधि रिसाएका हुन्। उनले प्रधानमन्त्री र सभापति देउवासँग आफूलाई पहिलो नम्बरमा नराखे सरकार छोड्ने चेतावनीसमेत दिइसकेका छन्।

‘थापा धेरै पटक मन्त्री भएकाले उनलाई दिइएको हो,‘स्रोतले भन्यो,‘ यस विषयमा थापासँगै छलफल गरेर टुंगो लगाउने प्रधानमन्त्रीले आश्वासन दिनु भएको छ।