पशुपति र स्वयम्भूका ९७ प्रतिशत बाँदरमा क्यान्सर र एड्स

काठमाडौं – पशुपति र स्वयम्भु मन्दिर वरपर बस्ने ९७ प्रतिशत बाँदरमा क्यान्सर र एचआइभी एड्सको संक्रमण भएकोे पाइएको छ । केही समयअघि अमेरिकाको वासिङटन विश्वविद्यालयले पशुपति र स्वयम्भूका ३९ बाँदरमा गरेको अनुसन्धानले यस्तो देखाएको हो ।

३९ मध्ये ३७ बाँदरमा क्यान्सर र एचआइभी एड्सको संक्रमण देखिएको थियो । विश्वविद्यालयले पहिलो समुहमा १२, दोस्रोमा ११ र तेस्रोमा १६ बाँदरमा अध्ययन गरेको थियो । जस अनुसार १७ भाले र २२ पोथीबाँदर थिए ।

अनुसन्धानकर्तालाई उद्धृत गर्दै शुक्रराज ट्रपिकल तथा सरुवा रोग अस्पतालका क्लिनिकल रिसर्च युनिटका संयोजक डा शेरबहादुर पुनका अनुसा नेपा बाँदरको टोकाइबाट लाग्ने क्यान्सर र एचआइभी एड्सको उच्च जोखिममा छ ।