यूएई र ओमानका लागि राजदूत सिफारिस भएकी लामा र ढकालको नाम फिर्ता

काठमाडौं – सरकारले यूएई र ओमानका लागि राजदूत सिफारिस गरेका दुई महिलाको नाम फिर्ता लिएको छ ।
मन्त्रिपरिषको बैठकले कांग्रेसको कोटाबाट यूएईका लागि सिफारिस भएकी आशाकुमारी लामा र फोरम लोकतान्त्रिकको कोटाबाट ओमानका लागि सिफारिस भएकी शर्मिला पराजुली ढकालको नाम फिर्ता लिइएको हो । यी दुई राजदूतबारे बिबादास्पद प्रसंग तथा तथ्यहरु बाहिर आएकाले सिफारिस फिर्ता लिइएको हो ।
गत सोमबारको मन्त्रिपरिषद बैठकले उहाँहरुलाई राजदूत सिफारिस गरेपनि त्यसको तीन दिनपछि नै कांग्रेस सभापतिले परराष्ट्रमन्त्री र प्रधानमन्त्रीलाई आशा लामाको नाम फिर्ता लिन चौतर्फि दबाब परेको थियो ।