काठमाडौं – दोस्रो जनआन्दोलन २०६२/०६३ पछि बनेका ९ वटा लोकतान्त्रिक सरकारले आर्थिक सहायता तथा औषधि उपचार खर्चका नाममा ४ अर्ब रुपैंया आफ्ना कार्यकर्तालाई वितरण गरेका छन ।
सरकारबाट आर्थिक सहायता तथा औषधि उपचारका नाममा ठूलो रकम लिनेमा राजनीतिक दलका साधारण कार्यकर्तादेखि बरिष्ठ नेतासम्म रहेका छन । सरकारले भने प्रचलित नियम मिच्दै आफ्ना नेता नेता तथा कार्यकर्तालाई रकम वितरण गर्दै आएको छ ।
दोस्रो जनआन्दोलनपछि बनेका गिरिजाप्रसाद कोइराला, पुष्पकमल दाहाल (दुई पटक), माधवकुमार नेपाल, झलनाथ खनाल, बाबुराम भट्टराई, खिलराज रेग्मी, सुशील कोइराला र केपी ओली नेतृत्वको सरकार प्रत्येकले नियम मिचेर ठूलो रकम आफ्ना नेता तथा कार्यकर्तालाई वितरण गरेका हुन ।
व्यवस्थापिका संसदको अर्थ समितिले पटक–पटक नियम मिचेर रकम वितरण नगर्न निर्देशन दिंदा समेत सरकारले कार्यकर्ता र नेतालाई मनपरी बाँडन छाडेको छैन ।
