काठमाडौं – राजधानीमा निर्माण भइ सञ्चालनमा आएकामध्ये १२ वटा अपार्टमेन्टले बस्नका लागि योग्य रहेको अनुमति पाएका छन् ।
सहरी विकास तथा भवन निर्माण विभाग अन्तर्गत डिभिजन कार्यालय काठमाडौंले ती अपार्टमेन्टलाई अनुमति दिएको हो । १२ वैशाख २०७२ मा गएको भूकम्पपछि अहिलेसम्म गरिएको विस्तृत क्षति मूल्यांकन अन्तर्गत सबै परीक्षणमा पारित भएका अपार्टमेन्टलाई बस्नका लागि योग्यको स्वीकृति दिएको डिभिजन कार्यालय काठमाडौंका सिनियर डिभिजनल इन्जिनियर सागरकृष्ण जोशीले जानकारी दिए ।
‘बस्नका लागि स्वीकृति पाएका सबै अपार्टमेन्टलाई आवश्यकता अनुसार मर्मत, पुनर्स्थापना र रेट्रोफिटिङ गरी देखिएको कमजोरी सुधार्दै भूकम्पप्रतिरोधी मापदण्ड पुरा गराएका छौ,’ उनले भने । सरकारले अहिलेसम्म ५६ वटा अपार्टमेन्टलाई निर्माणको स्वीकृति दिएको छ । त्यसमध्ये ५ वटा निर्माणाधीन छन् । बाँकी ५१ वटा प्रयोगमा आइसकेका छन् । ती मध्ये ३९ वटा पुनर्निर्माणको क्रममा छन् । नयाँ पत्रिकामा समाचार छ ।
बस्न योग्य अपार्टमेन्टहरू:
धुम्बाराही अपार्टमेन्ट (ओरिन्टियल) – धुम्बाराही
दी कम्फर्ट (टिसिएच) – लाजिम्पाट
भाटभटेनी अपार्टमेन्ट – भाटभटेनी
इन्द्रेणी अपार्टमेन्ट (पहिलो) – भाटभटेनी
इन्द्रेणी अपार्टमेन्ट (दोस्रो) – भाटभटेनी
सनराइज अपार्टमेन्ट – बालकुमारी
सेन्ट्रल पार्क – बिशालनगर
सेन्ट्रल पार्क – बिशालनगर
इम्पेरियल कोर्ट – सानेपा
केयल रेसिडेन्सी – सानो गौचरण
सिटी भ्यू अपार्टमेन्ट( सानेपा
सनसाइन – सुकेधारा
