अर्जेन्टिना कोपा अमेरिकाको फाइनलमा, आयोजक अमेरिका ४–० ले पराजित

काठमाडौँ – आयोजक अमेरिकालाई पाखा लगाँउदै अर्जेन्टिना कोपा अमेरिकाको फाइनलमा पुगेको छ ।

बुधवार बिहान अमेरिकाको टेक्सामा भएको पहिलो सेमिफाइनल खेलमा अर्जेन्टिनाले आयोजक अमेरिकालाई ४–० को फराकिलो गोल अन्तरले पराजित गर्दै उपाधी नजिक पुगेको हो । लियोन मेस्सीले अर्जेन्टिना लागि गोलको किर्तिमान राखेको खेलमा मेस्सी, लाभाजी र हिगुइनले गोल गरे ।

खेलको पहिलो ३ मिनेटमा नै लाभाजिले हेड मार्फत अर्जेन्टिनालाई सुरुवाति अग्रता दिलाए । ३२ औं मिनेटमा पाएको फ्रि किकमा उत्कृष्ठ गोल गर्दै मेस्सीले ५५ गोलको किर्तिमान राखेका हुन् । दोस्रो हाफको ५० औं र ८६ औं मिनेटमा हिगुइनले गोल गर्दै अर्जेन्टिनालाई फाइनलमा पुर्‍याए ।

अब अर्जेन्टिनाले उपाधिका लागि कोलम्बिया र चिलीबीचको विजेतासँग खेल्नु पर्ने छ ।