संसारका सबैभन्दा बढी उम्मेरसम्म बाँच्ने जापानी नागरिक मिसाओ ओकावाले आफ्नो निधन हुनु केही समय अघि भनेका थिए– “खुलेर हाँस्नु पनि औषधि हो, जसले गर्दा मानिसको आयु बढाउने गर्दछ । हाँसोले शारीरिक पीडा र मानसिक तनावलाई कम गर्दछ । यसले मानिसको शरीरमा रोग प्रतिरोधी क्षमता बढाउँछ ।” उनको अप्रिल १ मा निधन भएको थियो ।
“सबै मानिस धेरै वर्षसम्म बाँच्नु छ भने ८ घण्टा मात्र सुत्नु पर्दछ । सधै एउटै समयमा खाना खानु पर्दछ । सन्तुलित भोजन हाम्रो स्वास्थ्यको लागि अति आवश्यक पर्छ । अन्यथा मानिसको आयु काम हुन सक्छ ।” ओकावाको निधन हुँदा विश्वको ध्यान जापानतिर केन्द्रित भएको थियो । किन भने संसारकै सबैभन्दा बढी वर्षसम्म बाँच्ने नागरिक जापानका छन् । आखिर जापानीहरु किन धेरै वर्षसम्म बाँच्ने गर्दछन् ? अहिले एक चर्चाको विषय बनेको छ ।
जापानले हरेक वर्षको सेप्टेम्बर १५लाई ज्येष्ठ नागरिक दिवशको रुपमा मनाउदै आएको छ । जापान सरकारले १ सय वर्ष पुगेका नागरिकलाई प्रमाणपत्र सहित सम्मान गर्ने गर्दछ । प्रत्येक ज्येष्ठ नागरिकलाई ६५ अमेरिकी डलर बराबरको चाँदीको थाली उपहार दिने गरेको छ । यसैलाई निरन्तरता दिदैँ यो वर्ष पनि विभिन्न कार्यक्रम गरी ज्येष्ठ नागरिक दिवश मनायो । अहिले जापानमा १ सय वर्ष उमेर नाघेका जापानी नागरिकको संख्या ६० हजार पुगेकोे सार्वजनिक भएको छ । विश्वभर स्वदेशी तथा विदेशी सञ्चार माध्यममा जापानका ज्येष्ठ नागरिकहरुको चर्चा परिचर्चा हुने गरिएको छ । जापान सरकारले ज्येष्ठ नागरिकको स्याहार÷सुसारका लागि आवश्यक सामाजिक सुरक्षाका क्षेत्रमा ठूलो धनराशी खर्च गर्ने गर्दछ । ६० हजार भन्दा माथि १ सय वर्ष पुरा गरेका ज्येष्ठ नागरिक अहिले सम्मकै जापानमा यो नयाँ तथ्य हो । केही महिनापछि यो उम्मेरका जापानी नागरिकहरुको संख्यामा बृद्धिभई ६१ हजार ५ सय ६८ पुग्ने छ । जापानको समाजकल्याण मन्त्रालयले सार्वजनिक गरेको जनसंख्यामा जापानी महिलाहरुको औषत आयु ८६ वर्ष र पुरुषहरुको औषत आयु ८० वर्ष रहेको छ । यो महिलाको औषत आयु संसारकै सबैभन्दा बढी हो । पछिल्लो तथ्य अनुसार विश्वकै ज्येष्ठ जापानी नागरिक यासुतारो कोइदा मार्च महिनादेखि १ सय ११ वर्ष पुरा गरि १ सय १२ वर्षमा प्रवेश गर्नु भएको छ । पछिल्लो समयमा आएर जापानमा पुरुष भन्दा महिलाको आयु अनपेक्षित रुपमा बढिरहेको सम्बन्धीत स्रोतले बताईरहेका छन् ।
विश्वको अन्य देशहरुका नागरिक भन्दा जापानी नागरिक स्वास्थ्यको धेरै ख्याल गर्छन् । त्यसको लागि सर्वप्रथम वातारणीय सरसफाईमा बढी ध्यान दिने गर्दछन् । स्वस्च्छ श्वास प्रश्वासको लागि विरुवाको संरक्षणमा एकजुट हुने गर्छन् । धुमपान, मद्यपान वा कुलत क्रियाकलाप जापानी नागरिकहरुको लागि प्राथमिकता हुँदैन । गेडागुडी पर्याप्त मात्रामा खाने गर्दछन् । पोषण सहितको सन्तुलित खाना ठीक सयममा खाने गर्दछन् । स्वस्थ सन्तुलित खानपानले गर्दा जापानका नागरिकहरुलाई अन्य देशका नागरिक भन्दा मुटु सम्बन्धी रोग कम लाग्ने गर्छ ।
विरामी हुँदा एलोप्याथिक औषधिमात्र प्रयोग नगरि आयुर्वेदिक जुडिबुटीको औषधि धेरैले प्रयोग गर्ने गर्छन् । खानामा मासु भन्दा बढी हरियो सागपात उनीहरुको विशेष रोजाईमा पर्ने गर्दछ । मासु खान मन लागेपछि जनावरको मासु नभई माछा बढी खाने गर्दछन् । खाना पनि पेटलाई अटसमटस हुने गरी नखाई अल्लि कम खाना खाने गर्दछन् । विहान उठिसकेपछि सबैजसो जापानी नागरिकहरु व्याम गर्नमा व्यस्त हुन्छन् । जस्तैः योगा, कराँते आदि गर्ने गर्दछन् । सरकारी जागिरबाट अवकास हुनको लागि कुनै पनि समयसीमा तोकिएको छैन । ६०/७० वर्ष पुगिसक्दा पनि जागिरमा खटिरहेका हुन्छन् । मोटो पनलाई घटाउनमा विहान नियमित दौडने गर्छन् । कुनै पनि काम गर्दा एक्लै आफूमात्र नभई सामुहिक रुपमा गर्ने गर्दछन् । दुःखमा पनि हाँसो खुसीको साथ सबै मिलिजुलि काम गर्ने गर्दछन् । त्यसले गर्दा जापानीहरु स्वस्थ्य भई धेरै बर्ष वषौँसम्म बाँच्ने गरेको विभिन्न अध्ययन र अनुसन्धानबाट खुलेको छ ।
यी माथिका विभिन्न कारणहरुले गर्दा आज जापानका नागरिकहरु विश्वको सबैभन्दा बढी उम्मेरसम्म बाँच्ने विश्व रेकर्ड बनाउन सफल भएका छन् । आफ्नो देशमा विश्वका अन्य देशहरुभन्दा धेरै वर्षसम्म ज्येष्ठ नागरिक बाँचेको देख्न पाउँदा जापान सरकारले आफूलाई गौरवान्वित ठान्ने गरेको छ ।
तपाईको प्रतिक्रिया
