स्पेनबाट आफ़्नो गाउँ सम्झँदै (म्युजिक भिडियोसहित)

बारिसेलोना – जो जहाँ पुगेपनि आफ़्नो गाउँ ठाउँको माया कसलाई हुँदैन र ? आफ़्नो देश छाडेर बिदेशिएका केही युवाहरुले आफ़्नो गाउँ ठाउँलाई म्युजिक भिडियोमार्फत सम्झेका छन् ।

स्पेनमा रहेका केही युवाहरुले इनास म्युजिकल ब्याण्ड स्पेनमार्फत तयार पारेको  ‘कस्तो भयो होला मेरो गाउँ ठाउँ ?’  बोलको गीत सोमबार एक कार्यक्रमका बीच सार्वजनिक गरेका छन् ।

प्रवासमा रहेका नेपालीहरुले आफ़्नो गाउँघर तथा मातृभूमिको सम्झना र कल्पनाको शब्द संयोजन गरिएको यस गीतका गीतकार सुमन बैरागी तथा संगीतकार निरज श्रेष्ठ रहेका छन् ।

तुलसी शिवाकोटीको स्वर रहेको उक्त गीतमा विभिन्न देशहरुमा प्रवासी जीवन बिताउन पुगेका नेपालीहरुको भिडियो फ़ुटेजलाई सम्पादन गर्दै तयार पारिएको छ । ***