काठमाडौं – कान्साई नेरोल्याक पेन्ट्सको सिसारहित रंग प्रयोग अभियान यू क्यान नेपाल अभियानको उद्धाटन गर्दै बलिउडका चर्चित अभिनेता शाहरुख खानले अर्को पटक परिवारसहित नेपाल घुम्न आउने बताएका छन् ।
ह्ययात होटलमा आयोजित प्रेसमिट उनले काठमाडौंमा दर्शकहरुबाट पाएको मायाले आफू निकै उत्साहित रहेको बताउँदै तेस्रो पटकमा परिवारको साथ नेपाल घुम्ने चाहाना व्यक्त गरेका हुन् । उनको यो दोस्रो नेपाल भ्रमण हो ।
त्रिभुवन विमानस्थालबाट सिधै ह्ययात होटल पुगेका शाहरुखले निर्धारित मितिमा नेपाल आउन नसक्दा माफी पनि मागे । शाहरुख विगत पाँच वर्षदेखि नेरोल्याकसँग आवद्द छन् ।
तर प्रेसमिटमा उपस्थित सम्पूर्ण पत्रकारहरुले शाहरुखलाई चलचित्र र नेपालको बारेमा प्रश्न गर्न नदिएको भन्दै खल्लो महसुस गरेको बताएका छन् ।
अभिनेता शाहरुख सोमबार दिउँसो आफ्नो निजी विमानमार्फत काठमाडौं आइपुगेका हुन् । उनी प्रेसमिट सकेर यत्तिबेला होटल याक एण्ड उतीमा एक विशेष समारोहमा उपस्थित हुँदैछन् ।
सो कार्यक्रममा नेपाली अभिनेत्री प्रियंका कार्कीले पनि आफ्नो प्रस्तुती राख्नेछन् ।***
तस्बिर : नागरिकन्यूजबाट
