काठमाडौं – आगामी चैत २७ गते देखि अलनेपाल प्रर्दशनको तयारीमा रहेको नेपाली कथानक चलचित्र ‘हवल्दार सुन्तली’को ट्रेलर सार्वजनिक गरिएको छ ।
प्रहरीद्वारा बलात्कृत प्रहरी हवल्दार सुन्तली धामीको जीवनीमा आधारित रहेर निर्माण गरिएको चलचित्र ‘हवल्दार सुन्तली’मा एक्सन लेडीको रुपमा नायिका शिल्पा पोखरेल शिर्ष भूमिकामा देखिएकी छिन् ।
छबिराज ओझाको निर्माण तथा ऋषि लामिछानेको निर्देशन रहेको सो चलचित्रमा नायिका शिल्पाले सुन्तली धामीको भुमिका निर्वाह गरेकी छिन् । चलचित्रमा शिल्पासँगै नायकद्वय किशोर खतिवडा र सविन श्रेष्ठ पनि मुख्य भूमिकामा रहेका छन् ।
चलचित्रमा मदन काश्यप घिमिरेको छायांकन, कविराज गहतराजको नृत्य, टंक बुढाथोकी र दिपक शर्माको संगीत, चन्द्र पन्तको द्वन्द रहेको छ । चलचित्रलाई शिवम अधिकारीले लेखेका हुन् ।
