टोकियोमा एक नेपाली विद्यार्थीद्वारा आत्महत्या

टोकियो – जापानको टोकियोमा हिजो एकजना नेपालीले आत्महत्या गरेका  छन् । उनले  ट्रेनको लिगमा हाम फालेर आत्महत्या गरेका हुन । हिजो साँझको ७:३० बजे सिनागावामा उक्त घटना भएको प्रहरीले बताएको छ ।  यामानोते लाइनको सिनागावा स्टेशनको प्लेटफर्मबाट ट्रेनको लाइनमा हामफालेका गोर्खा जिल्ला सतिपिपल स्थायी घर भइ हाल टोकियो इकेवुकुरोमा रहेको आइसिए जापानी भाषा स्कुल पढ्दै गरेका  २२ वर्षीय सुरज वस्नेतलाई  द्रुत गतिमा आइरहेको ट्रेनले ठक्कर दिएको थियो ।

वस्नेत डेढ महिना अगाडि मात्रै जापान आएका थिए । कुनै पनि त्यस्तो असहज परिस्थिति  नभएको र हरेक दिन काम तथा स्कुल गइरहेको व्यक्ति एक्कासी त्यसरी निधन भएको खबरले आफूहरु पनि अचम्मित भएको उनका आफन्त तथा साथीहरूले समुद्रपारिलाई बताए ।  के कति कारणले उनी आत्महत्या गर्न पुगे त्यो भने अझै थाहा नभइ सकेको अवस्था छ । ***