टोकियो – जापानको सरकारी टेलिभिजन च्यानल एनएचकेले हत्या अभियोगमा लामो समय जेलजीवन बिताई हालै नेपाल फर्केका गोविन्दप्रसाद मैनालीको बारेमा गत हप्ता करिव २५ मिनेट लामो बिशेष कार्यक्रम महत्वकासाथ प्रसारण गरेको छ ।
एनएचकेले मैनालीको हत्या अभियोग प्रकरण, उनको पारिवारिक पृष्ठभूमि, जापानको न्यायालय, प्रहरी प्रशासन, रिहाईका लागि मैनाली सहयोग समितिले पुर्याएको योगदानलगायतका बिषयवस्तुमा आधारित सामाग्री (डकुमेन्ट्री) प्रसारण गरेको हो ।
सोही कार्यक्रम एनएचकेले आउँदो जुलाई २ तारिख सोमबार अपरान्ह १५:१५ बजे बाट पुन: प्रसारण गर्ने भएको हो । तोहोकु बाहेक जापानभरि हेर्न मिल्ने च्यानल नंबर १ एनएचके मार्फत उक्त कार्यक्रम पुन: प्रसारण हुने भएको हो ।
मैनाली नेपाल फर्केपछि पनि जापानका मिडियाहरुले उनको बारेमा तयार पारिएको सामाग्रीहरु महत्वकासाथ प्रसारण गर्दै आईरहेका छन् । ***
