नेपाली चलचित्र ’दशगजा’ प्रदर्शन गरियो
मस्कट । नेपाल र नेपालीलाई बिश्वसामु चिनाउदै गौतम बुद्ध नेपालमा जन्मेका हुन् र सगरमाथा नेपालमा पर्छ भन्ने सन्देश बोकेर शुरु भएको सौरब दाहालको बिश्व साइकल यात्रा यतिबेला ४६ राष्ट्र यात्रा पार गर्दै ओमानसम्म पुगेको छ ।
दाहालले ओमानमा दिनको ४० किमी भन्दा बढी यात्रा गर्ने गरेका छ्न । ५ दिन भित्रमा दाहालले मस्कटमा १८० किलोमिटर भन्दा बढी यात्रा गरिसकेका छ्न । ओमानमा अहिले अत्यधिक गर्मी भएता पनि दाहालले निरन्तर यात्रा गर्दै सबैलाई चकित पारेका छ्न । ओमानका स्थानिय संचार माध्यमहरुमा दाहालको यात्राका बारेमा निरन्तर समाचार प्रकाशित भइरहेका छन ।
गत शुक्रबारका दिन एनआरएन ओमान, नेपाली एकता समाज ओमान, सगरमाथा सोसाइटी लगायतका संघसंस्थाहरुले मस्कटमा दाहाललाई भब्य सम्मान गर्दै आगामी यात्रा सफ़ल्ताको शुभकामना दिएका छ्न । सो अवसरमा दाहालले पनि आफ़्नो यात्राको अनुभब सुनाएका थिए |
यसैगरी सो अवसरमा नेपाली चलचित्र ‘दशगजा’ पनि प्रदर्शन गरिएको थियो । नेपालबाट दशगजाका नायक तथा निर्माता नवल खड्का पनि ओमान आएकाथिए। खड्कालाई नेपाली संघसंस्थाहरुले मायाको चिनो दिंदै सम्मानपत्र र खादा ओढाएर सम्मान गरेका थिए । ओमानमा नेपाली चलचित्रको प्रदर्शन पनि दशगजाबाटै शुरुभएको छ । सो अवसरमा बोल्दै एनआरएन ओमानका अध्यक्ष डिबी क्षेत्रीले ओमानका अन्य शहरमा पनि दशगजा प्रदर्शन गर्ने जानकारी गराएका थिए । ***
