फेरि बढ्यो सुनचाँदीको मूल्य

समाचार सुन्नुहोस : 

काठमाडौँ –  साताको पहिलो कारोबार दिन (आइतबार) स्थानीय बजारमा सुनचाँदीको मूल्य बढेको छ । केही कारोबार दिनदेखि नै लगातार ओरालोमा रहेको सुनचाँदीको मूल्य आइतबार उच्च अंकले बढेको हो । गत शुक्रबारको तुलनामा आज सुन प्रतितोला एक हजार एक सय र चाँदी प्रतितोला तीसले बढेको छ ।

गत शुक्रबार प्रतितोला एक लाख ४८ हजार पाँच सयमा कारोबार भएको सुनको मूल्य आज एक लाख ४९ हजार छ सय कायम भएको नेपाल सुनचाँदी व्यवसायी महासङ्घले जनाएको छ । यस्तै आज चाँदी प्रतितोला एक हजार सात सय ९० रुपियाँमा कारोबार भैरहेको महासंघले जनाएको छ।