टोकियो - सन् २०२४ को अन्त्यसम्म जापानमा बसोबास गर्ने विदेशी नागरिकहरूको संख्या ३७ लाख नाघेको छ, जुन अघिल्लो वर्षको तुलनामा १० दशमलव ५ प्रतिशतले वृद्धि भएको हो । सरकारले सार्वजनिक गरेको तथ्यांकअनुसार जापानमा बस्ने विदेशीहरूको संख्या नयाँ कीर्तिमानमा पुगेको छ ।

टोकियो - जापानको राजधानी टोकियोमा अवस्थित एभरेष्ट इन्टरनेशनल स्कुल, जापानले आफ्नो नयाँ शाखा 'एभरेष्ट इन्टरनेशनल स्कुल, आराकावा क्याम्पस' सञ्चालनमा ल्याएको छ । सन् २०१३ मा स्थापना भएको विद्यालय नेपाल सरकारबाट मान्यता प्राप्त नेपालबाहिरको एक मात्र विद्यालय हो, जहाँ कक्षा नर्सरीदेखि कक्षा १२ सम्म अध्ययन अध्यापन गराइन्छ । विशेष गरी उएनो, निप्पोरी, ओकुबो, माचिया तथा साइतामा क्षेत्रमा बसोबास गर्ने नेपाली समुदायका बालबालिकालाई लक्षित गरी विद्यालयले नयाँ क्याम्पस सञ्चालनमा ल्याएको हो ।