काठमाडौं- नुवाकोटको विदुरमा नेपाली कांग्रेसका कार्यकर्ताको आक्रमणमा एकीकृत माओवादीका एकजना स्थानीय कार्यकर्ता गम्भीर घाइते भएका छन् ।
कांग्रेस कार्यकर्ता किसान तामाङको आक्रमणमा माओवादी विदुर नगरपालिका-८ राइसिङका उज्वल न्यौपाने गम्भीर घाइते भएका हुन् । आक्रमणबाट न्यौपानेको देब्रे खुट्टा भाँचिएको छ । उनको ललितपुरको बी एण्ड बी अस्पतालमा उपचार भइरहेको छ ।
एकीकृत माओवादी नुवाकोटका संयोजक विवेक शर्माले एक विज्ञप्ति जारी गरी नुवाकोट क्षेत्र नम्बर-३ का नेपाली कांग्रेसका उम्मेदवार बहादुरसिंह लामाको योजनामा न्यौपानेमाथि आक्रमण भएको आरोप लगाए । ***
