पेट्रोल र डिजेलको मूल्य बढ्यो

समाचार सुन्नुहोस : 

काठमाडौँ – नेपाल आयल निगमले बुधबार मध्यरातिबाट लागु हुने गरी पेट्रोल, डिजेल र मट्टितेलको मूल्य समायोजन गरेको छ। नयाँ दरअनुसार, पेट्रोलको मूल्य प्रतिलिटर २ रुपैयाँले बढेर १६५ रुपैयाँ पुगेको छ भने डिजेल र मट्टितेलको मूल्य प्रतिलिटर ३ रुपैयाँ बढेर १५६ रुपैयाँ पुगेको छ।

इण्डियन आयल कर्पोरेसनबाट बुधबार दिउँसो पेट्रोलको खरिद मुल्य २.२४ रुपैयाँ र डिजेलको खरिद मुल्य ३.५५ रुपैयाँ प्रतिलिटर बढेर आएकाले नेपाली बजारमा पनि मूल्य बढाइएको निगमले जनाएको छ। तर, खाना पकाउने एलपी ग्यासको मूल्यमा कुनै परिवर्तन गरिएको छैन।