रविलाई ६० लाख रुपैयाँ धरौटीमा छाड्न आदेश

समाचार सुन्नुहोस : 

काठमाडौँ – काठमाडौंको स्वर्णलक्ष्मी सहकारी ठगी प्रकरणमा राष्ट्रिय स्वतन्त्र पार्टीका सभापति रवि लामिछानेलाई धरौटीमा रिहा गर्ने आदेश भएको छ। बुधबार जिल्ला अदालत काठमाडौंका न्यायाधीश माधवप्रसाद अधिकारीको एकल इजलासले ६० लाख रुपैयाँ धरौटीमा उनलाई रिहा गर्न आदेश दिएका हुन्।

यसअघि, सूर्यदर्शन सहकारी ठगी प्रकरणमा लामिछानेलाई गत कार्तिक २ गते पक्राउ गरिएको थियो। ८४ दिनको हिरासतपछि गत बिहीबार पोखराबाट ६५ लाख रुपैयाँ धरौटी बुझाएर रिहा भएका थिए।

कालीमाटीस्थित स्वर्णलक्ष्मी बहुउद्देश्यीय सहकारी संस्थामा भएको वित्तीय हिनामिनाका कारण लामिछानेलाई प्रतिवादी बनाइएको हो। आरोपअनुसार, उक्त सहकारीबाट ६९० बचतकर्ताको १ अर्ब १९ करोड ३० लाख ९० हजार ४९३ रुपैयाँ हिनामिना गरिएको छ।