टोकियो – जापानको राजधानी टोकियोस्थित एक विश्वविद्यालयमा विद्यार्थीमाथि आक्रमण गर्ने छात्रालाई सार्वजनिक गरिएको छ । होसेई विश्वविद्यालयको तामा क्याम्पसमा शुक्रबा हथौडा प्रहार गरी आठ जनालाई घाइते बनाएको आरोपमा साही विद्यालयमा अध्ययनरत छात्रालाई सार्वजनिक गरिएको हो ।
दक्षिण कोरियाकी यु जु ह्युनलाई शुक्रवार दिउँसो क्याम्पसमा विद्यार्थीहरूमाथि आक्रमण गरेपछि घटनास्थलमै पक्राउ परेकी थिइन् । आक्रमणको दुई मिनेटपछि विश्वविद्यालयका कर्मचारीहरूले उनलाई नियन्त्रणमा लिएका थिए । प्रहरीसँगको बयानमा यु जु ह्युनले आफू नियमित रूपमा दुर्व्यवहारको सिकार भएको बताउँदै ‘एक मात्र समाधान’ भनेको विद्यार्थीहरूलाई आक्रमण गर्नु हो भन्ने सोच्न पुगेको बताएकी छिन् ।
प्रहरीका अनुसार उनले शुक्रवार बिहान अर्को कोठामा भेटिएको हथौडा प्रयोग गरी आक्रमण गरेकी हुन् । घाइते आठ जनामध्ये सात जनाको टाउकोमा चोट लागेको छ । ती सबैजना यु जु ह्युनसँग परिचित थिएनन् । उनी २०२३ अप्रिलमा होजेई विश्वविद्यालयमा भर्ना भएकी दोस्रो वर्षकी स्नातक छात्रा हुन् ।
प्रहरीले उनलाई आइतबार अभियोजनकर्ताहरूलाई पठाएको छ । आक्रमणलई हिंसात्मक अपराधको दुर्लभ घटना भनिएको छ ।
