सुनको मूल्य आज एकैदिन तोलामा १६ सयले बढ्यो

समाचार सुन्नुहोस : 

काठमाडौँ – आइतबार नेपाली बजारमा सुनचाँदीको मूल्यमा उल्लेखनीय वृद्धि भएको छ। नेपाल सुनचाँदी व्यवसायी महासंघका अनुसार, छापावाल सुनको मूल्य आइतबार प्रतितोला १ लाख ५५ हजार ७ सय रुपैयाँ पुगेको छ। यो मूल्य अघिल्लो दिनको तुलनामा १ हजार ६ सय रुपैयाँले बढेको हो। शुक्रबार छापावाल सुन प्रतितोला १ लाख ५४ हजार १ सय रुपैयाँमा कारोबार भइरहेको थियो।

चाँदीको मूल्य पनि आइतबार बढेको छ। चाँदी प्रतितोला १ हजार ८ सय ६० रुपैयाँ पुगेको छ, जुन शुक्रबारको मूल्य भन्दा १५ रुपैयाँले बढी हो। शुक्रबार चाँदीको मूल्य प्रतितोला १ हजार ८ सय ४५ रुपैयाँ रहेको थियो।

अन्तर्राष्ट्रिय बजारतर्फ हेर्दा, सुनको भाउ प्रतिऔंस २ हजार ६ सय ९० अमेरिकी डलरमा पुगेको महासंघले जनाएको छ। सुनचाँदीको मूल्यमा भएको यस वृद्धिले स्थानीय बजारमा फेरी चर्चा पाएको छ।