समाचार सुन्नुहोस :
काठमाडौँ – नवनियुक्त प्रधानन्यायाधीश प्रकाशमान सिंह राउतले राष्ट्रपति भवन शीतल निवासमा आयोजित विशेष समारोहमा पद तथा गोपनीयताको शपथ लिएका छन्। राष्ट्रपति रामचन्द्र पौडेलले राउतलाई शपथ गराएका हुन्। यसअघि, राष्ट्रपति पौडेलले आइतबार नै राउतलाई प्रधानन्यायाधीश पदमा नियुक्त गरेका थिए।
समारोहमा उपराष्ट्रपति रामसहायप्रसाद यादव, प्रधानमन्त्री केपी शर्मा ओली, सभामुख देवराज घिमिरे, राष्ट्रिय सभाका अध्यक्ष नारायण दाहाल, उपप्रधानमन्त्री, उपसभामुख, मन्त्रीहरू, सर्वोच्च अदालतका न्यायाधीशहरू, संवैधानिक निकायका प्रमुख तथा सुरक्षा निकायका उच्च अधिकारीहरू उपस्थित थिए।
