काठमाडौँ – गोरखाकाे गण्डकी गाउँपालिका-४ ढाबेमा बनाउँदै गरेको धन्सार भत्किएर पुरिँदा एक महिलाकाे ज्यान गएकाे छ । तीन जना घाइते भएका छन् । सोमवार हिजाे बिहान ९ बजेतिर जङ्गबहादुर बरामको निर्माणाधीन धन्सार भत्किँदा उहाँकी श्रीमती ४१ वर्षकी मीना बरामको घटनास्थलमै ज्यान गएको हो ।
धन्सार बनाउँदै गरेका जङ्गबहादुरका छिमेकी ६५ वर्षका रामकृष्ण बराम गम्भीर घाइते हुनुभएकाे जिल्ला प्रहरी कार्यालयका डीएसपी रमेशकुमार श्रेष्ठले बताउनुभयो ।कम्मरमुनिको भागमा गम्भीर चोट लागेका बरामलाई उपचारका लागि काठमाण्डौ ल्याइएको छ । यस्तै, घाइते भएका जङ्गबहादुर र उहाँका छोरा २१ वर्षका सुजन बराम सामान्य घाइते भएका डीएसपी श्रेष्ठले जानकारी दिनुभयो ।
