नवप्रवेशी चर्च ब्वाइज युनाइटेडले जित्यो ए डिभिजनको उपाधि

काठमाडौं – नवप्रवेशी चर्च ब्वाइज युनाइटेड क्लबले एक खेलअगावै सहिद स्मारक ए डिभिजन लिगको उपाधि जितेको छ । मंगलबार दशरथ रंगशालामा सम्पन्न खेलमा चर्च ब्वाइज क्लब थ्रीस्टार क्लबसँग बराबरीमा रोकिएसँगै एक अंक हासिल गरेर यस सिजनको लिगको उपाधि जितेको हो ।

यो खेलमा चर्च ब्वाइज र थ्री स्टार गोलरहित बराबरीमा रोकिएका थिए । यो बराबरीपछि चर्च ब्वाइजको २५ खेलमा ४५ अंक भएको छ र एक खेल अघि लिगको उपाधि जितेको हो ।

हाल दोस्रो स्थानमा रहेको मछिन्द्रले बाँकी दुवै खेल जितेपनि अब चर्च ब्वाइज शिर्ष स्थानमा रहने भएपछि चर्चब्वाइजको लिग जित निश्चित भएको हो । त्यस्तै थ्री स्टारको भने यस खेलपछि २५ खेलमा २९ अंक भएको छ र लिगमा १२औं स्थानमा रहेको छ ।