काठमाडौं – उत्तर कोरियाले फेरि पानीमुनि परमाणु ड्रोन परीक्षण गरेको छ । समाचार एजेन्सी एएफपीले उत्तर कोरियाको आधिकारिक मिडियालाई उद्धृत गर्दै यस्तो परीक्षण गरिएको जनाएको छ ।
करिब पन्ध्र दिनअघि उत्तर कोरियाले पानीमुनि परमाणु ड्रोन परीक्षण गरेको दाबी गरेको थियो । उत्तर कोरियाको आधिकारिक मिडियाले आणविक युद्ध हेडले सुसज्जित यो ड्रोनले शत्रुलाई नष्ट गर्ने दाबी गर्दै आएको छ ।
उत्तर कोरियाका आलोचकहरूले उसले लगातार आफ्नो आणविक हतियारको क्षमता बढाएको आरोप लगाउँदै आएका छन् ।
