समाचार सुन्नुहोस् :
काठमाडौँ – जनता समाजवादी पार्टी, नेपालकी नेत्री एवं प्रतिनिधि सभा सदस्य सहनाज रहमानको निधन भएको छ।६२ वर्षीया रहमानको हृदयघातबाट निधन भएको जसपा प्रवक्ता पूर्ण बस्नेतले बताए। भक्तपुरको ध्याम्पेडाँडामा बनभोज गएकी सांसद रहमानलाई ह्रदयघात भएको थियो।
ह्रदयघात भए लगत्तै मध्यपुर ठिमी अस्पताल पुर्याइएको थियो। अस्पताल पुग्ने वितिक्कै चिकित्सकले मृत घोषणा गरेका थिए। झापा घर भएकी रहमान गत मंसीर ४ गते सम्पन्न प्रतिनिधि सभा निर्वाचनमा जसपाबाट समानुपातिक सांसद बनेकी थिइन्।
