काठमाडौँ – राष्ट्रपति विद्यादेवी भण्डारी आज बिहान मकवानपुरको हेटौँडा पुगेकी छन् । हेटौँडास्थित मदन भण्डारी स्वास्थ्य विज्ञान प्रतिष्ठानको नवनिर्मित भवन उद्घाटन गर्न उनी हेटौडा गएकी हुन् । प्रमुख जिल्ला अधिकारी हेटौडाका राजेन्द्रदेव पाण्डेका अनुसार हेटौँडा अस्पतालस्थित प्राङ्गणमा उद्घाटन समारोह आयोजना गरिएको छ ।
राष्ट्रपति भण्डारीले केही समयपछि सो समारोहलाई सम्बोधन गर्ने कार्यक्रम छ । उनी आजै काठमाडौं फर्कने कार्यक्रम रहेको छ ।
