काठमाडौं – कमेडियन अपूर्व क्षितिज सिंहलाई प्रहरीले पुन: हिरासतमा लिएको छ । नेवार समुदायमाथि आँच आउनेगरी कमेडी गरेको भन्दै यसअघि उनीमाथि अनुसन्धान गरिएको थियो ।
अनुसन्धान सकिएपछि अदालत जानेबेलामा बिरामी भएपछि छोडिएको थियो । त्यही केस बुझाउनका लागि हिरासतमा लिइएको काठमाडौं प्रहरी परिसरका एसपी दिनेशराज मैनालीले जानकारी दिए । उनले भने, ‘अस्तिको मुद्दा बुझाउन बाँकी थियो, त्यसैका लागि नियन्त्रण गरिएको हो ।’ मंगलबार वा बुधबार मुद्दा बुझाइने उनले बताए ।
