समाचार सुन्नुहोस :
काठमाडौँ – काठमाडौं जिल्ला अदालतले कोशी प्रदेशका पूर्वमन्त्री लिलाबल्लभ अधिकारीसँग जापान गएका तीन जनालाई धरौटीमा रिहा गर्ने निर्णय गरेको छ। जिल्ला न्यायाधीश बलराम लम्सालको इजलासले शुक्रबार जनक राई, दावा शेर्पा र कन्चन देवकोटालाई जनही ५० हजार रुपैयाँ धरौटीमा छोड्न आदेश दिएको हो।
यी तीनै जना पूर्वमन्त्री अधिकारीसँगै जापान गएका थिए। उनीहरूलाई जापानको अध्यागमन विभागले डिपोर्ट गरेपछि नेपाल ल्याइएको थियो। त्यस्तै, नक्कली कागजात तयार गरेको आरोपमा पक्राउ परेका नवीन राई र गुड्डी राईलाई पनि साधारण तारेखमा रिहा गरिएको छ। तर, सोही प्रकरणमा संलग्न महेश पाण्डे, जुगल रिजाल र वीरबहादुर सुनुवारलाई भने पूर्पक्षका लागि थुनामा पठाउन अदालतले आदेश दिएको छ।
